口水多過浪花

Dear Freddy:

媽咪好耐冇寫信畀你喇! 對上一次寫信畀你已經係幾年前嘅事。眨下眼你就已經七歲喇! 唔再係一隻傻豬b仔，不過七歲嘅你依然係咁古靈精怪，口水多過浪花，大個咗，乖咗啲啦，但係可唔可以唔好咁多咀?

8月尾帶你去Dr. Liu 7歲check-up， 足足半年冇見Dr. Liu喇，佢個診所依然好多人! 我哋個appointment係兩點半，都等咗差唔多45分鐘先到我哋。你呢5個幾月重咗3磅，長高咗。其餘視力、聽覺同血壓一切正常。Dr. Liu都好surprised 你竟然冇近視冇遠視冇散光。 其實我覺得係遲早嘅事，因為你娘親我同你Daddy都係四眼嘅。仲加埋你而家睇多咗電視同埋電腦。不過我都睇實你唔畀你睇咁多同黐咁埋個screen睇，希望你就算四眼都唔好咁快啦。然後佢check埋你耳鼻喉，聽埋個肺，睇埋脊骨，話你樣樣都好健康。唯獨係你個扁平足就一樣係平哂 😥 因為停課之後冇乜機會出街，咁即係冇乜機會著鞋墊，你喺屋企又唔使著鞋嘅關係，隻腳又平番哂，唔得呀。Dr. Liu 話唯有買對鞋專係畀你喺屋企著嘅，放埋鞋墊入去，訓練番對腳。最後買一對crocs畀你喺屋企著，總之就要等你對腳有番個arch位啦。

睇完之後就約定下年個appointment，跟住理應係去驗埋血嘅，但係姑娘畀張form我之餘，仲畀咗隻杯同個tube我，話要另外搵一日帶埋urine sample 去驗血，仲講到明一定要係你朝早嘅第一篤。點解同往年唔一樣嘅? 我哋冇得即日去驗血，於是就同你去做新鞋墊。今次去Dr. Kwong介紹嗰間，佢話有receipt/referral 就$200, 如果唔係就$280。我即刻打番去Dr. Kwong度叫姑娘幫我fax張receipt去，慳番$80! 呢間真係平好多囉，平成4倍呀! 上次嗰間足足使咗我地$900 😭😭 因為保險唔包㗎，肉都赤。呢間都唔包，但係$200，平好多。佢話4-6個禮拜造好。

因為要就Daddy返工時間，佢忙到甩轆，所以今日先有時間帶你去驗血。開初以為要make appointment，原來就咁walk in就得。同你講清楚叫你驗血嗰陣千祈唔好望住人地同你做乜，我應承你畀你喺我電話度睇Netflix (平時係絕對嚴禁嘅!!)。你都好乖呀，雖然開頭你勁想望住同埋想捉住姑娘隻手唔比佢插針，我叫番你focus返睇Netflix，如果唔係我熄機，你就好乖乖咁畀人抽血喇。你仲記唔記得你5歲嗰次抽血呀? 你直頭狂性大發咁發哂癲狂爭扎狂喊，連埋我要5個人捉實你先搞得掂，你仲驚到想咬姑娘隻手... 你反轉間診所咁滯呀🤦🏻‍♀️🤦🏻‍♀️ 嗰次真係人都癲。上年同今次你都好乖好合作，真係大個仔喇!

為咗獎勵你，之後買咗最新嗰本Dog Man (Grime and Punishment)畀你添，你開心到爆，返屋企一下子睇完 😆! 

2020年9月新書

裡面究竟有咩呢?

下星期三正式開學喇! 今個暑假真係難忘，邊度都冇得去，只可以日日同阿仔落街踩吓Scooter，行去買吓餸，悶到發毛。不過好彩我地weekend都可以行吓山，有時去BJ's 或者Costco買吓餸，叫做好過冇啦。每年呢個時候我都會揀定啲相整下一年嘅calendar，今年真係揀唔落手，唔係remote learning相就係口罩相，真係好想㩒個掣就結束2020年。

今朝一早起身同Freddy 返學校拎materials，再見番學校嘅老師同staff真係好開心! 尤其是Ms. Z升咗職做Secretary 我真係好開心呀! 佢同Jenny係全校入面我最close同最中意嘅員工嚟。袋嘢好重呀!! 一個印有學校logo嘅索繩袋入面裝咗好多嘢，多到直頭有兩個保鮮袋嘅嘢都放唔到入去，要另外拎住。裡面究竟有咩呢?

有一本超厚數學書啦，有數學工作紙、作文紙、有音樂堂嘅instruction同小樂器、PE堂要用嘅用具、Science 就有包泥、膠杯同種子，仲有一袋文具，同埋Peace corner嘅stress ball，等等。咁好嘅學校去邊度搵?? Freddy好開心逐袋拎出嚟睇，佢應該好期待開學! 不過可惜今年冇得返學，只可以Remote learning，希望下學期可以啦! 咁就2nd grade喇，希望你繼續努力，比心機學習呀!! 加油!!

終於知道 "如釋重負" 係咩感覺

上星期四 (9月3號) 大姑奶陪我去做biopsy，護士話我要等一個禮拜先有報告出，等嘅過程真係好煎熬。

雖然好擔心，但係其實我瞓得幾好，食得都唔錯，有時間的話我都係不停咁睇乳腺纖維瘤同埋乳癌嘅資料。想畀定個心理準備自己，如果真係壞消息嘅話起碼都可以用個平常心去面對。壞消息當中起碼叫做有好消息，知道一定係早期，一定醫得番好。我唔敢同阿爸阿媽提我做咗Biopsy嘅事，知佢哋實會係咁問我: "有報告未呀? 點解咁耐都未有㗎?" 唔想加重自己嘅心理壓力。

我有sign up到個lab嘅Patient Portal，好方便㗎，佢哋會upload哂我做過嘅所有tests同報告。個Portal好secure嘅，要入password先至可以睇到個report。其實我呢幾日已經不停sign in入去check。其實正常程序應該係由林醫生打畀我同我傾個報告嘅，但係我唔醒起林醫生星期四唔開㗎... 即係話我仲要等多一日先至知道個報告係點。除非今日我喺Patient Portal嗰度預先睇到個報告。

今日一早起身已經每15分鐘check 住個Portal。到咗下晝3點鐘都仲係乜嘢報告都冇。我決定打電話去lab嗰度問。職員話就算報告已經ready，都要等幾日先upload上Portal㗎囉... 🙄🙄你話係咪吹脹吖! 職員問使唔使send比我，咁梗係要啦，佢轉頭就即刻email咗比我。

等email嗰陣個心跳快到就嚟會跌出嚟咁，我原本寫緊嘢，隻手震到集中唔到。終於收到個報告，頭一版嗰幾段字只係解釋番當日做biopsy成個程序，第2版先見到有一句: 

The pathology diagnosis is reported as: "Fibroadenoma"

哇，終於知道 "如釋重負" 係咩感覺呀。我叫Mr. 5睇報告，佢好神色凝重，睇到最後先鬆一口氣。Freddy就仲開心。我記得上個禮拜做完biopsy個傷口痛，佢想走埋嚟攬我都唔得，我有解釋比佢聽媽咪做咗檢查，要confirm 係咪cancer，佢直頭唔想再聽落去，即刻轉話題。可能因為家姐嘅事嚇親佢，所以佢一聽到cancer呢個字，佢就避開唔想我再講落去。今日一話佢知我冇事，佢好開心咁攬住我錫呀!

我會繼續好好保護自己、照顧自己身體。有健康先可以行更遠嘅路! 要繼續健康飲食同做運動，最緊要就係要開開心心!! 

傻🐷仔寫咗張卡送比我

一隻跟一隻成條隊咁游水

NY疫情稍為緩和，我同Mr. 5講，我地冇得去Roadtrip都應該要行吓山，去郊外呼吸吓新鮮空氣，等自己都健康啲強壯啲，我地再日日喺屋企郁都唔郁就真係好快變豬喇。難得天氣仲係咁好，今年夏天又特別長，於是每當星期六係好天，我地就會去Upstate 或者Long Island 嘅郊外行吓。其實NY有唔少地方都好family-friendly㗎! 回顧吓先!!

Rockefeller State Park Preserve

位於Upstate, NY。每次去都有一家大細或者帶住毛孩嘅人士行。行到中間有個湖，景色好靚。樹蔭幾多，唔怕太曬，而且所有trails都connected嘅。

Caleb Smith State Park Preserve

呢個我哋今日第一次去，喺Long Island嘅Smithtown。佢同Rockefeller State Park Preserve好似，又係有個湖，呢個湖好多鴨，咁大個女都係第一次睇到啲鴨一隻跟一隻成條隊咁游水，仲要係咁講嘢。

Donald M. Kendall Sculpture Gardens

呢個唔係一個park嚟，佢係一個Sculpture Garden，設於百事公司喺Upstate, NY嘅總部。呢個地方真係好值得推介! 一來、好少地方有咁多同埋咁巨型嘅雕塑可以睇， 二來、佢嘅面積好大，有好多地方可以俾小朋友跑嚟跑去。最重要嘅係, 免費入場!!

一家人睇完一個雕塑，然後一齊去搵吓其他雕塑喺邊，都係一件好有趣嘅事嚟㗎。同小朋友一齊去研究"呢個雕塑似乜嘢呢?" "見唔見到呢個雕塑上面刻咗啲咩動物呀?" 我個仔仲好鍾意睇啲雕塑上面嘅昆蟲，就咁望住佢地爬吓爬吓都已經好開心。個Garden仲種咗好多好靚好特別嘅花草樹木。我記得兩年前去睇嘅時候係十月，天氣比較涼。我哋睇完之後行去攞車嘅時候仲見到有一個area有好多大大少少唔同種類嘅蘑菇添!! 好得意㗎!

Stone Quarry Hill Art Park

第一次去係2017年10月，真係好中意! 同Donald M. Kendall Sculpture Gardens一樣，都係有好多Art Installation。不過呢個嘅面積再大啲，而且有山坡，真係可以通山走，個景好正!! 佢就冇硬性規定入場人士一定要比錢，不過有個suggested donation每人$5，但係我覺得絕對值回票價。

其實仲有好多，下次繼續回顧!

4年後

2020年輾轉已經過了四分之三，今天9月1號，是很值得紀念的一天。 

幾經辛苦排除萬難，今天我終於成功重啟這個blog了。 起初是忘記了用哪個google account開戶的， 畢竟最後一次寫blog已經是四年前的事了 (紀錄了我姐離世的事)。這四年來一直很忙碌，沒有時間和心機去把生活上的點點滴滴一一用文字記錄下來，現在回想起來還是有點愧疚。不過我一直有用IG紀錄生活: The Fragments of Light

希望由今天2020年9月1號重新開始吧!

這四年的生活，該從何說起呢? 就長話短說吧!

2016年

我姐離世後，我回到NY。6月，老公帶我到西岸旅遊散心，順道探探朋友阿魚。那年聖誕終於買了人生第一棵聖誕樹了，是Target的減價貨 $30! 到現在還在用呢! 

2017年

2017年家人來紐約探望，渡過了很愉快的兩個多月。跟爸爸的關係也從那時開始慢慢修補過來了。 同年9月小兒正式入學，就讀Pre-K。 原本被派往一所私校，開學兩星期後，心儀的學校致電告知有空缺，我們立馬決定轉校。這個決定做得非常正確。學校離家只需要10分鐘步行路程，蠻近的。2015年創校，所以環境設施都是新簇簇的，教育理念及方針亦以正向教育及學習為大前提。校長及老師們都是循循善誘耐心教導，學校 盡力提供很多學習支援及資源給學生，給家長很強大信心。一下子，Freddy今年已經是小二生了呢! 又, 同年8月Freddy開始了跆拳道。

2018年

2018年8月，我弟和女友來NY探望，突然接到遠在Toronto的姑姐病故，獨自一人飛往Toronto 出席其告別式。同年9月正式擔任學校PTA Treasurer一職。跟隊友由互不相識，到一整年的相處、認識、合作，有血有汗，雖然也有看透人性暗黑的一面，但總括來說也是很開心很充實的一年。 Freddy就讀K班了，幸運地遇到一位非常棒的老師Ms. Foulds。她用心教導小兒，驚人的耐性讓我們佩服不已。

2019年

夏天跟小兒回港探親，與2老參加康泰北海道+俄羅斯10天郵輪之旅，很難忘的旅程呢。Freddy常常把cruise掛在口邊，說很想再去。

可是，同時間香港發生了翻天覆地的轉變。因潘曉穎命案，中共及港府倡議修改逃犯條例，引發香港史上最大規模的社會運動。是次運動引起全球高度關注。因為對公義和良知的定義有著南轅北轍的觀念，香港社會撕裂到(自2014年雨傘運動起) 一個不可挽救的地步。香港人痛心疾首的一年。

9月開學，跟隊友們再次連任PTA Board。剛開始不久就開始後悔了，回想起去年的巨大壓力，腦海一次又一次閃過放棄的念頭，搞不懂為什麼會衝動答應連任。一直繼續下去大概只是為了commitment，完全沒有享受的感覺。

2020年

全球發生本世紀最嚴重事故。

有動物的糞便、有活生生一大群勤力工作的蜜峰

Sep 4, 2014﹣Halifax, Nova Scotia

郵輪抵達Halifax了，不過因為時間的差誤，導致延遲泊岸
今天我們參加了Hop on hop off BIG Bus Tour，是個約5小時的行程
BIG BUS 有A車和B車兩條不同的路線
可以隨時上落車，到不同景點觀光，時間相當彈性自由 ~
我們的票包括了Museum of Natural History 和Discovery Centre 的入場票
很划算
Freddy一如以往，一外出就睡覺
我們先乘A車往Museum去，這是個很小的museum
但展品很有趣：
有動物的糞便、有活生生一大群勤力工作的蜜峰
還有職員示範餵飼蛇吃午飯 (((驚 ~_~)))
慶幸Freddy終於睡醒了，沒有白白錯過展覽
逛完museum，我們坐上另一架big bus
遊覽車程餘下的景點之後，就駛回碼頭去
Mr. 5說想在附近的farmer's market 看看有什麼好吃的
老爺奶奶就先回船上吃，午飯後再乘B車到Discovery Centre去

一直在想這是個什麼Centre呢，原來是個小朋友遊玩的好地方！
就像個小型科學館一樣呢
雖然Freddy年紀還小，未必懂得遊戲的樂趣
但是看得出他很喜歡這個地方

＊

Sep 5, 2014﹣Sea Day

郵輪準備回程到New York了，是日是Sea Day
很早就起床，兩父子還在睡覺中
我獨自一人到9/F 去寫遊記，看見泳池四周的太陽椅上
全是一隻又一隻用毛巾摺成的不同動物，好壯觀
由於每晚每間房間只有一隻毛巾動物，因此有很多其他的動物我都未看過

終於可以帶Freddy到Campus Carnival遊玩打發時間了
旅程的最後一天，終於可以試試3/F 的brunch，的確很不錯！
晚飯之後，全餐廳的侍應們聚集在台上唱了一首歌送給在座所有來賓
非常開心的一個旅程就要來到尾聲了
回到房間見不到動物，卻多了兩個心心
Antonio 還很貼心的將我之前收到的玫瑰花放在上面呢